Kompania: Union Bank

Qyteti: Tirane

Sektori: IT & Teknologji

Pershkrimi i punes

Union Bank prej 20 vitesh operon me sukses në tregun bankar shqiptar, e konsoliduar si një institucion i sigurt, i qëndrueshëm dhe me performancë të shkëlqyer. Përmes një rrjeti të gjerë prej 33 degësh dhe 72 ATM-sh të shpërndara në qytetet kryesore të vendit, banka u ofron mbi 130,000 klientëve një shërbim profesional dhe të besueshëm. Që nga fillimi i aktivitetit në vitin 2006, Union Bank ka njohur rritje të vazhdueshme, duke arritur sot mbi 100 miliard lekë në total asete. Ne promovojmë një kulturë pune të bazuar në diversitet, gjithëpërfshirje dhe mundësi të barabarta zhvillimi, ku secili anëtar i ekipit vlerësohet si pjesë thelbësore e suksesit tonë. Union Bank investon vazhdimisht në trajnimin dhe zhvillimin profesional të punonjësve, me misionin për të garantuar një eksperiencë bankare të shkëlqyer për klientët. Ne vlerësojmë profesionistët e kualifikuar, besnik dhe të përkushtuar si asetin tonë më të çmuar prandaj kërkojmë kandidatë të përshtatshëm që të bëhen pjesë e skuadrës në sonë në Departamentin e Riskut të Kredisë për Individë në pozicionin: Specialist i Riskut të Kredive për Individë​ Qëllimi i përgjithshëm i punës: Vlerësimi i riskut kreditor të aplikimeve për kredi qe prodhon rrjeti i degëve me qëllimin e kreditimit brenda një niveli risku të pranueshëm nga banka. Monitorimi i procesit kreditor në degët e bankës për të dhënë në kohë sinjalet e anomalive të mundshme dhe korigjimin e tyre. Suporti për rrjetin e degëve për aspekte të procedurës kreditore në përgjegjësi të departamentit. Sipas ndarjes organizative të risqeve, specialistët e riskut për individe do të trajtojnë kryesisht aplikime për kredi nga individe me të ardhura nga paga/qera/dividente por nuk përjashtohen edhe kategori me të ardhura nga biznesi. Përgjegjësitë kryesore: Kontrollon dhe vlerëson riskun kreditor të aplikimive të ardhura nga degët duke ndjekur me përpikmëri manualet, proçedurat që ka banka në fuqi. Parashtron para komiteteve të kredisë së bankës rekomandimin e vet për aplikimin kreditor të shqyrtuar pa u limituar në të dhënat e aplikimit por duke e shoqëruar me gjykimin nga aspekti më i specializuar si risk. Është përgjegjës që të evidentojë mungesat, shmangiet nga korniza kreditore, risqet e kredisë, të sigurohet që është plotësuar procedura kreditore dhe aplikimi kreditor është gati për vendimarrje. Ka përgjegjësinë që të bëjë një verifikim më të thelluar të të dhënave dhe dokumentacionit kreditor të sjellë nga dega përkatëse në rast se ka paqartësi të tilla që vënë në diskutim vërtetësinë e tyre dhe që ndikojnë në vlerësim risku dhe vendimarrje. Pamvarësisht se disa procese të kreditimit mbulohen nga departamente/njësi të tjera të bankës dhe RO merr të gatshëm një produkt prej tyre (opinion ligjor/raport vlërësimi) pritet të tregojë kujdes që të mund të evidentojë në kohë gabime të mundshme dhe të kërkojë korigjimin e tyre. Në rastet e kredive në nivel decentralizimi të degës parashikohet që RO të suportojë procesin duke bërë monitorim në distance të procesit që kryen dëga por që mund të ndërhyjë në rast se gjën shkelje proceduriale, gabime për të cilat mund të kërkojë dhe korigjimin e tyre duke vënë në dijeni drejtuesit e dëgës dhe të departamentit. Specialisti i riskut mund të jetë anetar i një apo disa komiteteve kreditore. Në çdo rast duhet të ushtrojë votën me përgjegjësi, brenda kornizave të kreditimit dhe duke u kujdesuar që risku të jetë në nivel të pranueshem nga banka. Mirëmban databasen elektronike të departamentit. Është përgjegjës për ndërtimin e dosjeve elektronike për të gjitha rastet kreditore që proçeson. Po ashtu për ruajtjen e dokumentacionit fizik sipas parashikimit në manuale apo proçedura. I raporton Drejtorit të Divizionit mbi ecurinë e proçesit të kredidhënies të Bankës, propozon zgjerim /ngushtim të limitit kreditor. Ndihmon stafin kredidhënës gjatë punës së përditshme, pa u limituar në sygjerime, sqarime me email, nëpërmjet telefonit apo drejtperdrejt. Është përdorues i sistemit FLEX, dhe sistemeve të lidhura me të si BO, LO,databases së CroA apo çdo databese tjeter për të prodhuar informacion të nevojshem nga degët për efekt vendimarrje për kreditim. Ka përgjegjësinë për ti përdorur me kujdes dhe vetem për qëllimiet e parashikuara nga banka. Bashkëpunon në zgjidhjen e problemeve të përgjithshme apo çështjeve të veçanta në lidhje me kredinë. Kontribuon për përmbushjen e detyrave/objektivave të Departamentit për Riskun e Kredisë për Individe në terma sasiore dhe cilësore dhe në kohen e duhur. Mban kontakt me nëpunësit e tjerë në Bankë, sipas nevojës s punës. Kryen detyra të tjera të lidhura që mund t’i ngarkohen nga Drejtimi kohë pas kohë. Profili Individual: Diplomë universitare, preferohet në Ekonomi. Eksperiencë pune 1-3 vite në sektorin bankar ( përbën avantazh eksperienca në një pozicion të ngjashëm) Aftesi te tjera: Të jetë person i përgjegjshëm dhe i/e organizuar. Të ketë aftësi analizuese, kujdes ndaj detajeve. Komunikim në nivel të mirë, aftësi prezantimi. Njohuri të ligjit të zbatueshëm lokal, legjislacionit bankar. Të ketë njohuri të programeve kompjuterike dhe të ketë deshirë për të rritur njohuritë. Tipare personale: Iniciativë dhe përgjegjësi, i aftë të punojë në grup dhe në mënyrë individuale Gjuhë të huaja: Anglisht e shkruar dhe e folur rrjedhshëm Personat e interesuar duhet të dërgojnë brenda datës 20 Maj 2026: CV Letër “Shprehje Interesi” për Pozicionin Dokumentat duhet të dërgohen në adresën e-mail: humanresources@unionbank.al Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore. Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive. Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër. Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në humanresources@unionbank.al.

Si te aplikoni

Email: humanresources@unionbank.al