Zhvillues për platformën Microsoft 365

Union Bank operon prej më shumë se 18 vitesh në tregun shqiptar e pozicionuar si një bankë e shëndetshme dhe e qëndrueshme ku nëpërmjet një rrjeti të gjerë prej 32 degësh dhe 68 ATM në qytetet më kryesore të Shqipërisë, u shërben me profesionalizëm mbi 130,000 klientëve. Prej fillimit të aktivitetit në vitin 2006, banka ka shënuar një rritje domethënëse në tregun bankar duke arritur mbi 100 miliard Lekë asete..

Union Bank ofron një kulturë pune ku vlerësohet diversiteti, ku çdo pjesëtar i skuadrës është shumë i rëndësishëm për suksesin e binzesit prandaj impenjohemi maksimalisht të krijojmë një ambient motivues, gjithëpërfshirës dhe me shanse të barabarta zhvillimi. Gjithashtu ne investojmë në mënyrë të vazhdueshme në trajnimin dhe zhvillimin e punonjësve për të ofruar një eksperiencë të shkëlqyer bankare për klientët tanë.

Ne vlerësojmë profesionistët e kualifikuar, besnik dhe të përkushtuar si asetin tonë më të çmuar prandaj kërkojmë kandidatë të përshtatshëm që të bëhen pjesë e skuadrës në Departamentin e Organizimit, në Njësinë e Menaxhimit të Proçeseve të Biznesit në pozicionin:

Zhvillues për platformën Microsoft 365​
Qëllimi i përgjithshëm i punës:

Në kuadër të implementimit të Microsoft 365, fokusi është automatizimi i proceseve të brendshme të komunikimit dhe ndërveprimit mes strukturave/njësive të ndryshme në bankë nëpermjet zhvillimeve në platformat e Microsoft 365. Ky rol kombinon ekspertizën në implementimin e Microsoft 365 me zhvillimin dhe administrimin e zgjidhjeve duke përdorur Microsoft Power Platform, që përfshin Power Automate, Power BI dhe Power Apps etj. Specialisti suporton përmirësimin e procesve të biznesit, nëpërmjet aplikimit të automatizimeve ne keto platforma për të rritur efikasitetin operacional në të gjithë bankën.

Përgjegjësitë kryesore:

Në funksion të automatizimit dhe përmiresimit të proceseve, personalizon dhe optimizon aplikacionet e Microsoft 365 (p.sh., Share Point, Teams, OneDrive). Si pjesë e proceseve të automatizuara në aplikacionet e Microsoft 365 ofron trajnime dhe suport për përdoruesit fundorë, duke promovuar një kulturë të vetë-shërbimit. Bashkëpunon me strukturat e IT dhe njësitë e Biznesit për të integruar Microsoft 365 me sistemet dhe proceset ekzistuese.
Zhvilimi dhe Administrimi: Dizejnon, zhvillon dhe jep zgjidhje duke përdorur modulet e Microsoft 365 për të thjeshtuar dhe automatizuar proceset e punës të bankës. , Siguron që të gjitha zgjidhjet t’i përmbahen standardeve të IT të bankës. Punon ngushtë me strukturën e Sigurisë së Informacionit për të zbatuar kontrolle të qeverisjes dhe sigurisë.
Krijimi i Flukseve të Punës (Workflows): Krijon flukseve të thjeshta automatizimi(Workflow) për të ndihmuar në automatizimin e detyrave të përditshme brenda bankës.
Zhvillon dhe dokumenton procedura standarde të funksionimit (SOP) për zgjidhjet e reja të implementuara.
Monitorimi dhe Përmirësimi: Monitoron nga ana teknike flukset & automatizimet e krijuara për të siguruar që funksionojnë në mënyrë korrekte dhe sygjeron përmirësime sipas nevojës.
Dokumentimi: Dokumenton nga ana teknike zgjidhjet dhe flukset e punës të krijuara.
Përdorimi i Connectors: Përdorimi i Power Automate për të lidhur aplikacione si Microsoft 365 (SharePoint, Teams, OneDrive) dhe shërbime të tjera.
Bashkëpunon me palët e interesuara për të siguruar ekzekutimin e suksesshëm të iniciativës.

Kërkesat e profilit:

Diplomë Universitare në Fakultetin e Shkencave Kompjuterike/Teknologji Infomacioni ose fusha të ngjashme.
Minimumi 2 vite përvojë të meparshme në zbatimin dhe administrimin e zgjidhjeve të Microsoft 365
Përvojë e dëshmuar / Çertifikata në zhvillimin dhe administrimin e zgjidhjeve të Microsoft 365, Power Platform (Power Automate, Power BI, Power Apps) përbëjnë avantazh.
Eksperience pune të mëparshme në sektorin bankar ose të shërbimeve financiare perben avantazh.
Aftësi në gjuhën e platformës me kod të ulët, DAX, Power Query, JSON dhe SQL.
Të “jetë një problem solver”, të ketë aftësi të shkëlqyera komunikuese dhe ndërvepruese dhe të luajë një rol proaktiv në ndërmarrjen e iniciativave.
Përvojë me shërbimet në platformën Azure dhe teknologjitë e tjera të lidhura me Microsoft përbëjnë avantazh.
Njohuri të avancuara të gjuhës Angleze.

Personat e interesuar duhet të dërgojnë brenda datës 15 Tetor 2024:

CV
Letër “Shprehje Interesi” për Pozicionin
Dokumentat duhet të dërgohen në adresën e-mail: humanresources@unionbank.al

Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore.

Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.

Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër.

Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në [I]humanresources@unionbank.al[/I].