Siguron që aplikimet për kredi janë në përputhje me parimet dhe kriteret e kredidhënies nga aspekti i riskut të kredisë, me qëllim minimizimin e riskut. Detyrat dhe Përgjegjësitë e pozicionit: Verifikon aplikimin për kredi duke marrë një vendim profesional rreth situatës së klientit, në përputhje me politikat dhe proçedurat e kredidhënies në fuqi; Siguron që të gjitha aplikimet janë në përputhje me politikat e kredidhënies në fuqi; Vlerëson kapacitetin dhe jep mendimin mbi riskun përkatës si dhe merr pjesë si anëtar me të drejta të plota në Komitetin e Kredisë; Reagon shumë shpejt ndaj kërkesave të oficerëve të kredisë; Përgatit përmbledhjen e rasteve të kredisë dhe referon opinionin e tij / saj në Komitetin e Kredisë; Informon për rreziqet e identifikuara dhe masat e propozuara në lidhje me zbutjen e riskut të kredisë; Identifikon probleme të ndryshme në lidhje me të dhënat në sistemet e kompanisë dhe i raporton ato në kohë për t’u rregulluar; Trajnon dhe mentoron stafin shitës të degëve përkatëse lidhur me vlerësimin e riskut të kredisë, duke u fokusuar në cilësinë e kredidhënies. Kërkesat për pozicionin: Eksperiencë pune e preferueshme 4 vite në shitje në pozicionin oficer /analist kredie ose specialist risku në një institucion financiar/bankë; Aftësi të shkëlqyera analize financiare; Aftësi të shkëlqyera komunikimi; Aftësi për të ndërtuar marrëdhënie pozitive brenda kompanisë; Aftësi për të ndërtuar ekspertizë profesionale me integritet dhe përkushtim; Aftësi të shkëlqyera trajnuese; Diplomë Universitare e preferueshme në Kontabilitet, Financë, Ekonomi, Administrim Biznesi ose fusha të tjera të ngjashme. Si të aplikoni: Dërgoni aplikimin tuaj brenda datës 17 Shkurt 2025, në adresën e emailit humanresources@noafin.al. Aplikimi duhet të përmbajë një CV të përditësuar dhe një letër motivimi për pozicionin përkatës. Vetëm kandidatët e përzgjedhur do të kontaktohen nga Departamenti i Burimeve Njerëzore për një intervistë.