Tirane, ofroj vend pune Specialist Blerjesh

Coca-Cola Bottling Shqipëria sh.p.k (CCBS) është kompani lider në tregun Shqiptar të pijeve freskuese jo alkoolike me marka më të njohura ndërkombëtare.

Tek CCBS, ne jemi të bindur për rritjen e biznesit tonë, për kontributin në komunitetet lokale dhe në zhvillimin e burimeve njerëzore me anë të aftësive të forta organizative dhe me njerëzit e duhur në vendin e duhur.

CCBS po kërkon kandidatë të përshtatshëm në pozicionin e mëposhtëm:

Specialisti i Blerjeve:
Specialisti i Blerjeve do të asistojë në proceset e blerjeve dhe furnizimeve, duke ndihmuar në analizën e tregut, kontaktin me furnitorët dhe sigurimin e materialeve sipas kërkesave të kompanisë. Ky rol kërkon aftësi të mira analitike, komunikimi dhe negocimi për të mbështetur operacionet e blerjeve.

Roli dhe përgjegjësitë:

Kërkimi dhe identifikimi i furnitorëve të rinj për produktet dhe shërbimet e nevojshme.
Kërkimi i ofertave dhe krahasimi i çmimeve për të siguruar kushtet më të mira të blerjes.
Menaxhimi i porosive dhe ndjekja e tyre deri në dorëzim.
Mbajtja e marrëdhënieve të mira me furnitorët ekzistues dhe krijimi i kontakteve të reja.
Sigurimi që të gjitha blerjet përputhen me standardet dhe politikat e kompanisë.
Analiza e kostove dhe përgatitja e raporteve mbi shpenzimet e blerjeve.
Koordinimi me departamentet e tjera për të siguruar nevojat e furnizimit.
Aftësitë dhe kualifikimet:

Diplomë universitare në Administrim Biznesi, Ekonomi, Logjistikë ose një fushë të ngjashme.
Përvojë pune e mëparshme në blerje ose furnizime është një avantazh.
Aftësi të mira analitike dhe të menduarit kritik.
Aftësi të shkëlqyera të komunikimit dhe negociatave.
Njohuri të mira të programeve të paketës Microsoft Office (Excel, Word, Outlook).
Zotërim i gjuhës Angleze, Njohje dhe zotërim i gjuhës italiane përbën avantazh.
Aftësi për të punuar në grup dhe për të menaxhuar shumë detyra njëkohësisht.

Të interesuarit duhet të dërgojnë një kërkesë për punësim ku të specifikohet kërkesa për pozicionin e punës dhe një kopje të CV në adresën e-mail: hr@cocacola.al

Vetëm kandidatët që plotësojnë kriteret do të kontaktohen.
Coca-Cola Bottling Shqipëria sh.p.k promovon Shanset e Barabarta.