Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me afërsisht 5,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale. Elektro-Servis shpk është një kompani e specializuar në riparimin e pajisjeve elektronike dhe elektro-shtëpiake. E themeluar prej vitit 2008 Elektro-Servis është servisi më i madh në Shqipëri dhe vendet fqinje, me të drejtat ekskluzive për markat më në zë ne botë si: Samsung, LG, Sonny, Philips, Beko, Bosch etj. Pozicioni: Koordinatore e Burimeve Njerëzore Departamenti: Departamenti i Burimeve Njerëzore Raporton tek: Administratori i kompanisë Vendndodhja: Tirana Funksionet bazë dhe qëllimi i përgjegjësive: Koordinatore e Burimeve Njerëzore planifikon dhe implementon procesin e rekrutimit sipas nevojave në departamentet e kompanisë. Mban nën mbikqyrje dhe kontroll të gjitha proceset administrative të kompanisë. Mbikqyrë ndryshimet ligjore në lidhje me detyrimet e të punësuarve të kompanisë ose institucioneve shtetërore. Përgjegjesitë kryesore: -Përgatit dhe administron dosjet personale të punonjësve duke u siguruar që të pajisen me të gjitha dokumentacionet e nevojshme të punësimit si edhe në bazë të marrëdhënies së punësimit harton dhe ndjek procesin e pajisjes me kontratat përkatëse të punësimit për të gjithë personelin; -Përgatit listëpagesen mujore për personelin brenda afateve të kërkuara nga kompania dhe siguron që cdo muaj pagesat e personelit të jenë të sakta dhe në kohë, procesi i borderosë, listëpagesës dhe sigurimeve mujore; -Në periudhën e përgatitjes së buxheteve respektive të departamenteve të kompanisë përgatit, kontrollon dhe menaxhon buxhetin e departamentit të Burimeve Njerëzore sipas planit vjetorë; -Bazuar në dinamikat e ndryshme të kompanisë rekomandon ndryshime të përshtatshme për rregulloren e brendshme të kompanisë dhe aprovon procedura të reja; -Planifikon dhe implementon aktivitetet e rekrutimit për punonjësit e kompanisë duke plotësuar të gjitha procedurat e nevojshme të rekrutimit/promovimeve/largimeve të punonjësve dhe duke kryer procesin e intervistave/ selektimeve, krijon dhe administron të dhënat e marra nga procesi i intervistimit. -Përditëson sistemet HR të kompanisë sipas të dhënave të nevojshme dhe të domosdoshme. -Njofton strukturat në lidhje me politikat dhe procedurat e kompanisë duke kërkuar respektimin e afateve të këtyre procedurave nga të gjitha departamentet; -Monitoron procesin për tu siguruar se të gjitha dokumentacionet e procedurave e politikave të kompanisë janë plotesuar dhe procesohet për regjistrimin pa vonesa; -Starton dhe monitoron procesin e vlerësimit të performancës së punonjësve duke kërkuar që të respektohen të gjitha afatet e nevojshme dhe procesi të jetë në përputhje me Politikën e Vlerësimit të Performancave të punonjësve të kompanisë. -Kryen protokollimin e të gjitha dokumentacioneve në kompani dhe kërkon nga departamentet e përfshira në proces të respektojnë procesin e protokollit; -Në përputhje me buxhetin që i alokohet mundëson përfshirjen e stafit në trajnime të ndryshme sipas nevojave që mund të kenë punonjësit në përputhje me kërkesat e kompanisë. -Raporton tek Burimet Njerëzore Balfin sipas kërkesave dhe nevojave që dërgohen për informacion nga këto të fundit si edhe përpilon raportet e ndryshme mujore ose sipas kërkesave të HR Balfin. -Krijon dhe gjeneron raporte të ndryshme të Burimeve Njerëzore sipas nevojave në kompani. Eksperiencat e punës: Te paktën 1-3 vite përvoje pune. Kualifikime të tjera: Njohuri të mira të aplikacioneve të Microsoft Office. Njohuri të gjuhës Angleze Kompetencat e profilit: Aftësi shumë të mira organizimi, koordinimi, planifikimi & monitorimi. Aftësi shumë të mira komunikuese. Aftësi për të punuar në grup. Të gjithë të interesuarit mund të dërgojnë CV-në e tyre në adresën e e-mailit: hr@elektroservis.al. Afati i dorëzimit: 26 Gusht 2024! * Të gjithë aplikimet do të trajtohen me konfidencialitet sipas ligjit Nr.9887 të vendosur nga Parlamenti i Shqipërise mbi “Mbrojtjen e të dhënave personale”.