Mundësi punësimi -Jurist/e VEGA Group, është një kompani lider në fushën e energjive të rinovueshme në Shqipëri dhe më gjerë. Të specializuar në sektorin e fotovoltaikës dhe infrastrukturën e karikimit të automjeteve elektrike, ne po udhëheqim rrugën drejt një të ardhmeje të qëndrueshme dhe të gjelbër. Në kuadrin e zgjerimit të kompanive të saj, për të ofruar një shërbim sa më profesional, VEGA Group po kërkon të zgjerojë stafin me një Jurist/e. Roli dhe pergjegjësitë: Harton kontrata të llojeve të ndryshme; Pergatit dokumentacionin per leje qendrimet e stafit te projekteve ne vende jashte Shqiperise. Përgatit dhe depoziton në instancat shteterore të gjithë aktet tregtare për çështjet tregtare të shoqërisë; Kryen dhe ndjek proçedurat për përfitimin e lejeve dhe liçensave të nevojshme në kuadër të veprimtarisë së shoqërisë; Përgatit dokumentacionin juridik për pjesëmarrjen e shoqërisë në prokurime publike; Përfaqëson kompaninë pranë institucioneve administrative dhe ndjek proçedurat ligjore, ankimimet, prapsimet, korrespodencat zyrtare me autoritetet shtetërore për çështje të caktuara ligjore të veprimtarisë së shoqërisë; Evidenton ndryshimet në ligjet e biznesit dhe informon departamentet dhe punonjësit të tjerë të interesuar, në lidhje me këto ndryshime; Përgatit prokura dhe autorizime te ndryshme; Kriteret e Kualifikimit: Diplomë në Drejtësi. Eksperiencë e paktën 3-5 vjet në një rol të ngjashëm, preferohet në industrine e ndertimit. Eksperienca në përgatitjen e dokumentacionit për prokurime publike dhe ndjekjen e proceseve ligjore. Kualifikimi i avancuar ( Master) në fushën ligjore. Njohuri të thella mbi ligjet e biznesit dhe rregulloret e aplikueshme. Aftësi për të interpretuar ligje , rregullore dhe për të aplikuar ato në praktikë. Aftësi të shkëlqyera të komunikimit, si me gojë ashtu edhe me shkrim, për të përfaqësuar kompaninë në mënyrë efektive. Njohje dhe respektim i kodeve etike dhe praktikave të mira në fushën juridike. Njohja e gjuhës angleze është e nevojshme. Njohja e një gjuhe shtesë të Bashkimit Evropian do të konsiderohet si aset. Njohuri mbi menaxhimin e riskut dhe përputhshmërinë. Aftësi për të punuar në grup dhe për të menaxhuar projekte të ndryshme. Shënime: Për të aplikuar për këtë pozicion ju lutem dërgoni CV-në tuaj me foto në adresën: rekrutime@vegagroup.al me subjekt “Jurist/e”. Vetëm kandidatët e përzgjedhur do të kontaktohen për intervistë. *Çdo informacion që do të paraqesin kandidatet lidhur me shprehjen e interesit të tyre për sa më sipër, do të trajtohet me një nivel sigurie të standarteve më të larta për ruajtjen dhe përpunimin e këtyre të dhënave në përputhje të plote me parashikimet e ligjit nr. 9887 datë 10.03.2008 "Për Mbrojtjen e të Dhënave Personale" i ndryshuar dhe aktet nënligjore të nxjerra në zbatim të tij.