AGJENT SHITJE VEGA Electric, pjesë e VEGA Group është një ofrues kryesor i shërbimeve të plota në fushën e mirëmbajtjes dhe asistencës teknike, duke u specializuar si në sektorin e energjisë së rinovueshme, ashtu edhe në industrinë elektrike. Ne ofrojmë një gamë të gjerë shërbimesh, duke përfshirë operimin dhe mirëmbajtjen e sistemeve të paneleve diellore, si dhe projektimin dhe instalimin e nënstacioneve dhe linjave të tensionit të mesëm/të lartë. Në kuadrin e rritjes së saj, kompania është në kërkim të një Agjenti Shitje. Përmbledhje e Pozicionit Agjenti i Shitjeve është përgjegjës për prezantimin e kompanisë dhe produkteve të saj te klientët e rinj dhe ekzistues. Ai do të luajë një rol kyç në identifikimin e nevojave të klientëve dhe ofrimin e zgjidhjeve më të përshtatshme për ta. Gjithashtu, do të jetë i angazhuar në ndërtimin dhe ruajtjen e marrëdhënieve të forta me institucionet dhe bizneset e ndryshme në sektorin energjetik. Detyrat dhe Pergjegjësitë: ● Prezanton dhe promovon produktet dhe shërbimet e kompanisë te klientët e rinj dhe ekzistues. ● Këshillon dhe orienton klientët mbi zgjidhjet më të mira duke u bazuar në kërkesat dhe nevojat e tyre. ● Raporton në mënyrë të rregullt mbi progresin e detyrave dhe aktivitetet e realizuara. ● Ndërton dhe ruan marrëdhënie të mira me institucionet dhe kompanitë e ndryshme në sektorin energjetik. ● Kryen analiza të tregut dhe identifikon mundësi të reja për zgjerimin e bazës së klientëve. ● Negocion kushtet e bashkëpunimit me klientët dhe partnerët sipas politikave të kompanisë. ● Përfaqëson kompaninë në takime, konferenca dhe evente të tjera biznesi. ● Është i gatshëm të udhëtojë për qëllime biznesi, sipas nevojës. Kriteret dhe Kualifikimet: ● Eksperiencë e mëparshme në shitje ose në një rol të ngjashëm, preferohet në sektorin energjetik. ● Njohuri të mira të produkteve dhe shërbimeve në fushën e energjisë. ● Aftësi të shkëlqyera komunikuese dhe negocimi. ● Aftësi për të ndërtuar dhe mirëmbajtur marrëdhënie të qëndrueshme me klientët dhe partnerët. ● Aftësi analitike për të identifikuar nevojat dhe trendet e tregut. ● Fleksibilitet dhe gatishmëri për të udhëtuar për qëllime biznesi. ● Njohuri të mira të paketës Microsoft Office dhe mjeteve të tjera digjitale të komunikimit. ● Aftësi për të punuar në mënyrë të pavarur dhe për të arritur objektivat e përcaktuara. ● Patentë klasi B ● Gjuha: Angleze ● Mosha: 30+ Shënime: Për të aplikuar për këtë pozicion ju lutem dërgoni CV-në tuaj në adresën: rekrutime@vegagroup.al me subjekt “Agjent Shitje”. Vetëm kandidatët e përzgjedhur do të kontaktohen për intervistë pune. *Çdo informacion që do të paraqesin kandidatet lidhur me shprehjen e interesit të tyre për sa më sipër, do të trajtohet me një nivel sigurie të standarteve më të larta për ruajtjen dhe përpunimin e këtyre të dhënave në përputhje të plote me parashikimet e ligjit nr. 9887 datë 10.03.2008 “Për Mbrojtjen e të Dhënave Personale” i ndryshuar dhe aktet nënligjore të nxjerra në zbatim të tij.​