Tirane, ofroj vend pune

NJOFTIM PUNE
ACREM është pjesë e BALFIN Group e specializuar në ofrimin e menaxhimit të pasurive të paluajtshme. ACREM ka krijuar standardet për praktikat më të mira të menaxhimit të pasurive të paluajtshme. Kompania ka në menaxhim qendra tregtare dhe objekte banimi, nga të cilat mund të përmenden: TEG, QTU, TLP, Rolling Hills, Galeria by TEG. ACREM synon të zgjerojë portofolin e klientëve dhe të zhvillohet në një kompani me një gamë të diversifikuar shërbimesh.
Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.
Pozicioni: Menaxher/e Ligjor dhe i/e Pajtueshmërisë
Departmenti: Ligjor dhe i/e Pajtueshmërisë
Vendndodhja: TEG/ACREM
Përshkrim i Pozicionit të Punës:
Menaxheri/ja Ligjor dhe i/e Pajtueshmërisë siguron që një organizatë operon brenda kornizave ligjore dhe rregullatore duke ofruar këshilla ligjore, duke mbikëqyrur pajtueshmërinë rregullatore dhe duke menaxhuar rreziqet. Ai/ajo merret me hartimin e kontratave, kryen trajnime për pajtueshmërinë dhe kryen auditime të brendshme për të vlerësuar dhe përmirësuar programet e pajtueshmërisë për portofolin e ACREM.
Detyrat​
Përgatitja ligjore e projekt kontratave të qirasë sa më afër kërkesave, politikës apo strategjisë, referuar situatave nga precedentë të mëparshëm.
Konsultimi dhe hartimi për rastet e mbylljes së parakohshme të kontratave, të iniciuara nga qiradhënësi apo edhe nga qiramarrësi.
Konsulencë në përgatitjen e kontratave para finalizimit (rregullimi i disa dispozitave, inkorporimi ose heqja e dispozitave të tjera).
Rastet e trajtimit të kërkesave/ankesave nga qiramarrësit që mund të lidhen drejtpërdrejt me lejueshmërinë ose jo sipas ligjit.
Ndjekja e çështjeve gjyqësore dhe përgatitja e dokumenteve së bashku me departamentet e përfshira.
Konsulencë për ndjekjen e çështjeve që lidhen me institucionet shtetërore.
Zbatimi i IHÇK-së, interpretimi i kontratave, përshtatja/sistematizimi i drafteve.
Aplikimi i TVSH-së, përshtatja e drafteve, trajtimi i komunikimeve nga ana ligjore.
Konsulencë ligjore fiskale.
Konsulencë ligjore për personelin në lidhje me ristrukturimin ose mbylljen e strukturave.
Konsulencë ligjore për problemet e zgjidhjes së kontratave.
Përgatitja e kontratave të shërbimit me nënkontraktorët e qendrave.
Përgatitja e kontratave të qirasë me pronarët e objekteve nën menaxhim.
Përgatitja e kontratave të bashkëfinancimit me pronarët dhe çdo problematikë që lind nga këto kontrata si: renovime, investime etj.
Përgatitja e kontratave të ndryshme të shërbimeve për aktivitete marketingu.
Përgatitja e kontratave të bashkëpunimit për eventet që zhvillohen në qendrat tregtare.
Përgatitja e kontratave të qirasë për hapësira promocionale ose reklamuese.
Përgatitja e kontratave të ndryshme për shërbimet që ofrojmë brenda grupit Balfin.
Përgatitja e një program kontrolli të përputhshmërisë/listë kontrolli të vetë-vlerësimit në nivel kompanie per CEOn, të hartuar në bashkëpunim me Departamentin përkatës.
Vlerëson dhe i siguron CEO-s një raport vjetor mbi statusin e listës kontrolluese të pajtueshmërisë së kompanisë që përfshin të gjitha departamentet përkatëse.
Sugjeron për CEO-n një plan veprimi dhe rekomandime për të adresuar mospërputhjet, në varësi të përmbajtjes të tyre.
Mbështet CEO në përpilimin e një raporti vjetor mbi statusin e kontrollit të pajtueshmërisë së kompanisë dhe planin e veprimit për zvogëlimin e problematikave. Nëse kërkohet, do të ndahen rezultatet me Komitetin e Auditit.

Kualifikimet​
Diplomë universitare për Drejtësi.
5 vite + eksperiencë si këshillues ligjor në industri të ndryshme.
Njohje shumë e mirë e gjuhës angleze.
Aftësi të shkëlqyera dhe njohuri të thella profesionale të legjislacionit dhe përputhshmërisë me industrinë.
Aftësi të shkëlqyera analitike për të vlerësuar rreziqet, për të identifikuar boshllëqet e pajtueshmërisë dhe për të zhvilluar zgjidhje efektive.
Aftësi të shkëlqyera për të menduar në mënyrë kritike dhe për të zgjidhur problemet në mënyrë efikase, duke shmangur ndërlikimet në përputhje me rregullat.
Aftësi të shkëlqyera në vëmendjen ndaj detajeve për të siguruar respektimin e rregulloreve dhe për të zbutur rreziqet.
Shumë i/e organizuar, disiplinë e lartë, autoritet i lartë dhe person me besnikëri të lartë.
Shënime​Kushtet e Punës: BALFIN Group ofron një paketë tërheqëse përfitimesh, duke përfshirë një shpërblim të drejtë në vlerësimin e meritës dhe performancës.
Mënyra e aplikimit*:
Për të aplikuar për këtë pozicion, ju lutem dorëzoni CV-në dhe letren e motivimit brenda datës 23/07/2024 në këtë adresë: hr@acrem.al duke specifikuar në subjekt: “Menaxher/e Ligjor dhe i/e Pajtueshmerisë”

*Të gjitha aplikimet do të trajtohen me konfidencialitet të plotë sipas ligjit Nr 9887 vendosur nga Kuvendi i Shqipërisë për “Mbrojtjen e të Dhënave Personale”.