Kompania: ATIS SHPK

Qyteti: Tirane

Adresa: Stacioni Trenit - Zogu i Zi

Lloji i punes: Kohe e pjesshme

Sektori: IT & Teknologji

Pershkrimi i punes

Pozicioni: Asistente Finance (Junior) Orari: Part–time (09:00 – 13:30) Ditët e punës: Hënë – Premte Raportim: Menaxhere e Financës ATIS kërkon të punësojë një Asistente Finance (Junior) që do të mbështesë Menaxheren e Financës në menaxhimin dhe organizimin e proceseve financiare ditore. Ky rol ofron një mundësi shumë të mirë për zhvillim profesional në një mjedis inovues, mbështetës e bashkëpunues. Përgjegjësitë kryesore të rolit Rakordon dhe regjistron në baza ditore pagesat dhe lëvizjet financiare. Kryen faturimin periodik ndaj klientëve dhe ndjek ecurinë e pagesave përkatëse. Mbështet procesin e rakordimit të furnitorëve dhe ndjek pagesat sipas afateve të maturimit. Asiston në përgatitjen e listëpagesës së punonjësve. Regjistron veprimet financiare në sistemin Financa 5. Bashkëpunon me nënkontraktorët dhe departamentet e tjera për mbarëvajtjen e proceseve operative. Përgatit raporte periodike financiare (ditore/mujore) sipas kërkesave të menaxhimit. Administron dhe arkivon dokumentacionin financiar në përputhje me legjislacionin dhe politikat e kompanisë. Mbështet Menaxheren e Financës në detyra të tjera sipas nevojës. Profili i kërkuar i kandidatit 6 muaj – 1 vit eksperiencë praktike në financë/kontabilitet. Diplomë në Financë, Kontabilitet, Administrim Biznesi ose fusha të ngjashme. Njohuri bazike të sistemit financiar Financa 5. Njohuri të mira të paketës MS Office, veçanërisht Excel. Njohuri shumë të mira të gjuhës angleze; njohja e gjuhës italiane përbën avantazh. ___ Çfarë presim nga kolegët që na bashkohen Integritet profesional dhe etikë pune. Ndjenjë përgjegjësie dhe korrektësie në trajtimin e detyrave që merren përsipër. Bashkëpunim e komunikim me respekt dhe profesionalizëm. Vullnet për të mësuar, për t’u zhvilluar dhe për të kontribuar në ekip. Përfitimet: Përfitime të disponueshme që në fillim: Paketë shpërblimi që vlerëson kontributin tuaj Fleksibilitet në organizimin e punës Buxhet për abonim në palestër Kohë pushimi në ditëlindjen tuaj Aktivitete “team building” (retreat, happy hour, aktivitete jashtë zyre, buxhete për evente që zgjidhni vetë) Program shpërblimi për referime Mundësi për ditë pune në distancë Përfitime që aktivizohen gjatë marrëdhënies së punësimit, në përputhje me politikat e kompanisë dhe kohëzgjatjen e punësimit: Sigurim shëndetësor privat Trajnime të paguara ___ Rreth ATIS: ATIS është një Software House e specializuar në projektimin, zhvillimin dhe integrimin e zgjidhjeve softuerike të personalizuara. Që nga viti 2013, kemi qenë një partner vizionar dhe i besueshëm në inxhinierinë e softuerit për marka të njohura ndërkombëtare në Evropë dhe SHBA. Ekipi ynë ndërkombëtar me mbi 100 profesionistë mbështet më shumë se 150 klientë, dhe 90% e tyre zgjedhin të bashkëpunojnë me ne në afatgjatë. Mësoni më shumë rreth #ATISLife në Instagram, LinkedIn dhe Facebook. Privatësia e të Dhënave ATIS njofton të gjithë kandidatët se çdo informacion i dhënë gjatë procesit të aplikimit do të trajtohet me standardet më të larta të sigurisë dhe konfidencialitetit, në përputhje të plotë me ligjet në fuqi për mbrojtjen e të dhënave. Duke aplikuar, kandidati jep pëlqimin për përpunimin dhe ruajtjen e të dhënave të tij personale nga ATIS. Kandidatët kanë të drejtë, në çdo kohë, të kërkojnë akses, korrigjim, fshirje ose kufizim të të dhënave të tyre personale, në përputhje me dispozitat ligjore në fuqi. Për më shumë informacion, ju lutemi referojuni Politikës sonë të Privatësisë për Aplikantët: https://atisgroup.co/applicants-privacy-policy/ Duke dorëzuar CV-në e tij/saj, kandidati konfirmon se është informuar për sa më sipër dhe jep pëlqimin për përpunimin e të dhënave të tij/saj. Kandidati gjithashtu konfirmon se informacioni i dhënë është i plotë, i saktë dhe i vërtetë. Aplikime: Dërgoni CV-në tuaj në careers@atisgroup.co

Si te aplikoni

Email: careers@atisgroup.co