Kompania: FASHION GROUP

Qyteti: Tirane

Lloji i punes: Kohe e plote

Sektori: Marketing & Shitje

Pershkrimi i punes

Fashion Group Albania, pjesë e Albi Group që nga Gusht 2025, është Shoqëria e parë e shitjes me pakicë në sektorin e modës që solli konceptin e menaxhimit Franchisee në Shqipëri. Me synimin për të ngritur një standard të ri në tregun e modës/veshjeve dhe shërbimit të klientit, ne kemi rimodeluar tregun shqiptar duke prezantuar marka të njohura ndërkombëtare dhe produkte cilësore alternative. Fashion Group Albania është e pranishme në qendrat më të mëdha tregtare si Tirana East Gate (TEG) dhe Qendra Tregtare Univers (QTU), duke menaxhuar një portofol prej 10 markash të famshme, ndër të cilat Mango, Geox, Parfois, Prenatal, Okaidi, Carpisa, Cortefiel, Springfield, Women Secret dhe Aldo. Sot, ne operojmë me 17 dyqane fizike dhe përmes një përvoje online në platformën tonë, www.fga.al. Albi Group, I themeluar mbi 30 vjet më parë nga familja Humolli në Prishtinë, Kosovë, është rritur nga një biznes i vogël familjar në një lojtar të madh në shitjen me pakicë, pasuri të paluajtshme, shpërndarjen e mallrave të konsumit të shpejtë (FMCG), shërbimet ushqimore dhe mikpritjen. Albi Group është i përkushtuar ndaj kënaqësisë së klientit, përgjegjësisë sociale dhe qëndrueshmërisë mjedisore, duke formësuar një të ardhme më të mirë për komunitetin. Pozicioni i punës: Data Entry Departamenti: E-Commerce

Vendndodhja: Pranë TEG, Tiranë Përmbledhja e pozicionit: Pozicioni Data Entry E-Commerce është përgjegjës për menaxhimin, përditësimin dhe publikimin e të dhënave të produkteve në platformën online të kompanisë, duke siguruar saktësi dhe cilësi të informacionit. Roli përfshin bashkëpunim të ngushtë me departamente të ndryshme për të garantuar funksionimin efikas të operacioneve e-commerce. Gjithashtu, kontribuon në përmirësimin e eksperiencës së klientit përmes administrimit korrekt të përmbajtjes dhe proceseve online.

Detyrat: Përgjegjës për përkthimin e faturave shoqëruese të mallrave,me përshkrimet e produkteve Përgatit listat e unifikuara të artikujve për shitje online në platformën zyrtare të kompanisë. Ndjek me provider problematikat e shfaqura në platformën e-commerce. Ndjek procesin e rimbursimeve ndaj klienteve të e-commerce. Bashkëpunon me departamentin Marketing për krijimin e links mbi fushata të ndryshme Marketing, publikimin e Blogs në platformë, etj Përditësimi manual i stokut për raste specifike. Eksperienca: 0–1 vit eksperiencë. Kualifikime të tjera: Diplomë universitare (preferohet në Administrim Biznesi, Marketing, Ekonomi ose fusha të ngjashme). Eksperiencë e mëparshme në data entry, e-commerce. Njohuri shumë të mira të Microsoft Excel dhe paketës Office. Aftësi shumë të mira në gjuhën angleze (përkthim dhe shkrim korrekt nga anglishtja ne shqip i përshkrimeve të produkteve). Vëmendje e lartë ndaj detajeve dhe saktësi në hedhjen e të dhënave. Aftësi të mira organizative dhe menaxhim i kohës, sidomos në situata me volum të lartë pune. Aftësi komunikimi dhe bashkëpunimi me departamente të ndryshme. Njohuri bazë mbi platformat e-commerce. Aftësi për të punuar në mënyrë të pavarur dhe për të respektuar afatet. Kushtet e Punës: Fashion Group Albania është një punëdhënës me mundësi të barabarta që ofron një mjedis pune profesional dhe dinamik, një paketë tërheqëse kompensimi dhe përfitimesh dhe mundësi për të shpalosur plotësisht potencialin tuaj profesional. Mënyra e aplikimit: Të gjithë të interesuarit mund të dërgojnë CV-të e tyre në adresën [B]hr@fashiongroup.al[/B] brenda datës 12 Prill 2026. Vetëm personat që përzgjidhen për intervistë do të kontaktohen. Të dhënat tuaja personale, të cilat dergohen nga ju vullnetarisht si përgjigje ndaj kësaj shpallje për vend të lirë pune, mblidhen dhe përpunohen, manualisht dhe/ose elektronikisht, nga Fashion Group Albania shpk, me qëllim vlerësimin e përshtatshmërisë tuaj për t’u punësuar në këtë vend pune. Këto të dhëna aksesohen vetëm nga persona të autorizuar të kompanisë dhe do të ruhen deri në përfundim të procesit të përzgjedhjes së kandidatit fitues. Subjektet e të dhënave personale, mund të ushtrojnë të drejtat e tyre sipas ligjit nr. 9887 dt. 10/03/2008 “Për Mbrojtjen e të Dhënave Personale”,i ndryshuar, pranë Fashion Group Albanina shpk, si dhe pranë Komisionerit për të Drejtën e Informimit dhe Mbrojtjen e të Dhënave Personale.

Si te aplikoni

Email: hr@fashiongroup.al