Titulli i Pozicionit: Infermier Lloji i Pozicionit: Kohë e plotë Barleti Medical Group kërkon të rekrutojë Infermier për të qenë pjesë e ekipit të tij mjekësor multidisiplinar, me fokus në ofrimin e kujdesit cilësor dhe të gjithanshëm për pacientët. Pozicioni i Infermierit/Infermieres së Ambulancës përfshin ofrimin e shërbimeve shëndetësore gjithëpërfshirëse për popullatën e zonës, nëpërmjet kujdesit infermieror në ambulancë, në shtëpi dhe në komunitet. Ky rol përfshin përmbushjen e detyrave të përcaktuara nga Kryeinfermierja dhe Drejtori i Agjencisë, si dhe zbatimin e detyrave nën mbështetjen dhe udhëzimet e tyre. Përveç detyrave kryesore, infermieri/ja mund të kryejë edhe përgjegjësi shtesë të arsyeshme që lidhen me funksionet e tij/saj. Në fokusin e këtij pozicioni janë: promovimi i shëndetit, parandalimi i sëmundjeve në komunitet, vlerësimi i nevojave shëndetësore dhe menaxhimi i sëmundjeve në atë zonë. DETYRAT DHE PËRGJEGJËSITË KRYESORE: Planifikimi dhe zbatimi i kujdesit shëndetësor Planifikon, zbaton dhe vlerëson nevojat për kujdes shëndetësor për pacientët. Siguron mbështetje për pacientët dhe familjarët, duke i ndihmuar të marrin përgjegjësi të përbashkëta për kujdesin. Monitoron dhe vlerëson vazhdimisht gjendjen shëndetësore të pacientëve. Kujdesi dhe monitorimi i pacientëve Mat dhe dokumenton vlerat e funksioneve vitale (presioni i gjakut, pulsi, temperatura, etj.). Ofron kujdes infermieror sistematik duke respektuar standardet dhe kufijtë profesionalë. Parandalon komplikacionet nga qëndrimi i gjatë në shtrat (ulçerat nga presioni, pneumonia, tromboza, kontrakturat). Kryen dhe nxit pacientët për ushtrime aktive dhe pasive, si pjesë e rehabilitimit të tyre. Zbatimi i terapive dhe proçedurave mjekësore Aplikon dhe ndjek terapitë e përshkruara nga mjeku, duke përfshirë terapinë orale, lokale dhe me oksigjen. Pastron, mjekon dhe fashon plagët e pacientëve (ulçera nga presioni, plagë malinje, etj.). Merr mostrat për analiza laboratorike (gjak, urinë). Kryen kateterizimin urinar dhe higjienën e stomave dhe kanjulave. Kryen EKG për pacientët me indikacione të veçanta mjekësore. Komunikimi dhe edukimi i pacientit dhe familjarëve Siguron komunikim të vazhdueshëm me pacientët dhe familjarët/kujdestarët, edhe përmes mjeteve virtuale (Telefon, Ëhatsapp, Viber, etj.). Kryen edukimin e pacientëve dhe familjarëve në lidhje me: Faktorët e riskut dhe masat parandaluese. Mënyrën e administrimit të medikamenteve dhe efektet anësore. Vetë-menaxhimin e sëmundjeve. Simptomat paralajmëruese dhe rastet kur duhet të kërkohet ndihma mjekësore. Mbështetjen emocionale dhe promovimin e një stili të shëndetshëm jetese. Dokumentimi dhe referimi Dokumenton në mënyrë të rregullt monitorimin dhe vlerësimin e kujdesit në kartelën infermierore të pacientit. Referon pacientët tek profesionistët e tjerë shëndetësorë ose socialë, sipas nevojës. Referon pacientët në nevojë për shërbime sociale tek Koordinatori i Njësisë. Mbështetja për procedurat dhe pajisjet Ndihmon mjekun gjatë proçedurave mjekësore dhe është përgjegjës për pajisjet/instrumentet e përdorura për pacientët. Përdor dhe mirëmban pajisjet mjekësore për ofrimin e asistencës së duhur. Promovimi i shëndetit në komunitet Vlerëson kushtet e jetesës së pacientëve dhe përshtat ndërhyrjet e duhura për promovimin e shëndetit. Përcakton dhe promovon masat parandaluese për përmirësimin e kushteve shëndetësore në familje dhe komunitet. Raportimi Raporton aktivitetet ditore dhe arritjet tek Kryeinfermieri, duke garantuar përmbushjen e detyrave të caktuara dhe të dokumentuara. KUALIFIKIMET E KËRKUARA: Diplomë universitare në Infermieri. Licencë e vlefshme për të ushtruar profesionin si Infermier e lëshuar nga autoritetet përkatëse. Certifikim në Ndihmën e Parë, BLS, ACLS. Përvojë pune në spitale, klinika ose qendra kujdesi afatgjatë. Eksperiencë në menaxhimin e pacientëve me sëmundje kronike Eksperiencë në sigurimin dhe kontrollin e cilësisë së analizave laboratorike, duke ndjekur protokollet e biosigurisë. Monitorimi i gjendjes shëndetësore dhe përdorimi i pajisjeve mjekësore. Aftësi për marrjen e mostrave laboratorike. Aftësi të mira komunikuese për të këshilluar pacientët dhe për të bashkëpunuar me profesionistët e tjerë shëndetësorë; I/E motivuar të punojë pa supervizim; Aftësi shumë të mira të manaxhimit të kohës; Aftësi shumë të mira për të punuar në skuader, të arrije punë cilësore me minimumin e mbikëqyrjes; I/E pergjegjshem dhe të ruaje konfidencialitetin e informacionit; Aplikimi: Personat e interesuar duhet të dërgojnë brenda datës 20 Tetor 2024, Ora 16:00 dokumentat e mëposhtme në adresën e burimeve njerëzore (hr@originclinic.al): CV Letër “Shprehje Interesi” për Pozicionin Në Subjektin e-mailit vendosni ‘Infermier” Ju informojmë se vetë kandidatët e përzgjedhur do të kontaktohen nga Departamenti i Burimeve Njerëzore. Barleti Medical Group deklaron se i përpunon të dhënat personale të aplikantëve mbështetur në Ligjin Nr.9887, datë 10.03.2008, “Për mbrojtjen e të dhënave personale”dhe Udhëzimin Nr.42 datë 22.07.2024”Për përpunimin e të dhënave personale të kandidatëve në punë”. Të dhënat personale të aplikiantëve janë kryesishtë të dhënat e deklaruara nga ata në CV-të e tyre, gjithashtu dhe të dhënat e marra nga dokumentacionet e tjera të paraqitura nga ata.