Specialist i Njësisë së Vlerësimit të Pasurive (Vlerësues i Brendshëm)

Union Bank operon prej më shumë se 18 vitesh në tregun shqiptar e pozicionuar si një bankë e shëndetshme dhe e qëndrueshme ku nëpërmjet një rrjeti të gjerë prej 32 degësh dhe 68 ATM në qytetet më kryesore të Shqipërisë, u shërben me profesionalizëm mbi 130,000 klientëve. Prej fillimit të aktivitetit në vitin 2006, banka ka shënuar një rritje domethënëse në tregun bankar duke arritur mbi 100 miliard Lekë asete.

Union Bank ofron një kulturë pune ku vlerësohet diversiteti, ku çdo pjesëtar i skuadrës është shumë i rëndësishëm për suksesin e binzesit prandaj impenjohemi maksimalisht të krijojmë një ambient motivues, gjithëpërfshirës dhe me shanse të barabarta zhvillimi. Gjithashtu ne investojmë në mënyrë të vazhdueshme në trajnimin dhe zhvillimin e punonjësve për të ofruar një eksperiencë të shkëlqyer bankare për klientët tanë.

Ne vlerësojmë profesionistët e kualifikuar, besnik dhe të përkushtuar si asetin tonë më të çmuar prandaj kërkojmë kandidatë të përshtatshëm që të bëhen pjesë e skuadrës në Njësinë e Vlerësimit të Pasurive në Divizionin e Kredisë, në Drejtorinë e Përgjithshme në Tiranë, në pozicionin:

Specialist i Njësisë së Vlerësimit të Pasurive (Vlerësues i Brendshëm)

Qëllimi i Përgjithshëm i Punës:

Ndjek ngushtë procesin e vlerësimeve dhe rivlerësimeve të pronave që ofrohen si kolaterale në proçesin e dhënies së kredive, ose të kolateraleve ekzistuese të bankës; për të siguruar mbrojtjen e bankës nga risku i dëmtimit të burimit sekondar të shlyerjes së kredisë.

Përgjegjësitë kryesore:

Kordinon dhe monitoron procesin e shpërndarjes së vlerësimeve tek vlerësuesit e jashtëm, monitoron afatet kohore të dorëzimit të Raport vlerësimeve sipas afateve të paracaktuara, kontrollon dokumentacionin ligjore dhe jep zgjidhje për problematikat e pronave.
Kontrollon Raport vlerësimet e paraqitura nga vlerësuesit e jashtëm, prodhon formën e rishikimit me gjykimin e vet për vlerën dhe cilësinë e kolateralit.
Kryen vetë Raport vlerësime për raste specifike sipas kërkesave të brendshme në zbatim të proçedurave në fuqi.
Kryen rishikime/rivlerësime për kolateralet ekzistuese të bankës me qëllim monitorimin e vlerave të tregut si dhe kushteve fiziko-teknike të kolateraleve.
Suporton strukturat përkatese në Bankë, në lidhje me opinione paraprake për prona të cilat ofrohen si kolaterale për bankën ose kolateraleve ekzistuese të bankës. Suporton me opinione mbi cilësine e pronave / kolateraleve si dhe tregtueshmërine e tyre, si edhe me opinione mbi vlerat e qirave.
Harton formën e Raport vlerësimit (variacion vlerash) + Verifikimit për objektet që lidhen me skemat me ndërtues, në fazën fillestare të ndërtimit ose / edhe ne fazen finale, pasi objektet regjistrohen në ASHK.
Kryen rivleresime periodike të pronave në pronësi të bankës. Ndjek dhe monitoron inspektimin në vend për pronat e bankës.
Merr pjesë në marketimin e pronave të bankës dhe përgatit një dosje për çdo pronë të bankës, për të siguruar që çdo informacion dhe dokument është i përmbledhur dhe i gatshëm për marketim.
Suporton në detyra te tjera sekondare brenda Njësise së vlerësimit (raportime te ndryshme, mirembajtje kolateralesh ekzistuese, inspektime pronash etj).

Kërkesat e profilit:

Diplomë Universitare në Degët e Fakultetit të Inxhinierisë së Ndërtimit ose Fakultetit të Inxhinierisë Mekanike ose Fakultetit të Ekonomisë.
Të jetë i/e pajisur me liçencë profesionale për vlerësimin e pasurive të paluajtëshme (preferohet shkalla e parë e licencimit). Përbën avantazh pajisja me licencë për disa kategori të pronave (psh. Truall dhe Ndërtese, Toke Arë, Makineri dhe Pajisje etj).
Të ketë të paktën 2 vjet pune në sektorin e vlerësimeve të pasurive, preferohet eksperienca në sektorin bankar ose studio vlerësimi të pasurive.
Të ketë njohuri të mira të tregut të pasurive të paluajtshme të Shqipërise si dhe eksperiencë në inspektimin e pronave në terren.
Njohuri të mira të paketës Microsoft Office si dhe Autocad-it.
Aftësi shumë të mira komunikuese verbale, të shkruara, analitike dhe ndërpersonale.

Personat e interesuar duhet të dërgojnë brenda datës 18 Shkurt 2025:

CV
Letër “Shprehje Interesi” për Pozicionin
Dokumentat duhet të dërgohen në adresën e-mail: humanresources@unionbank.al
Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore.

Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.

Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër.

Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në [I]humanresources@unionbank.al[/I].