Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Specialist i Lartë Finance Departamenti: Finance Vendndodhja: Tiranë Përmbledhja e Pozicionit: Roli i tij/saj konsiston në përgatitjen e përgjithshme të pasqyrave financiare vjetore dhe mujore, në përputhje me standardet dhe procedurat e shoqërisë. Kontrollon kontabilizimin e faturave të blerjes dhe shitjes, në përputhje me legjislacionin fiskal në fuqi. Ndjek raportet e kontratave dhe arkëtimeve të klientëve. Kontrollon në mënyrë të detajuar shpenzimet dhe të ardhurat mujore të realizuara për projektin përkatës që ka në ndjekje. Asiston në hartimin e buxhetit dhe biznes-planit të shoqërisë. Detyrat dhe Përgjegjësitë Kryesore: Përgatit dhe konsolidon të dhënat financiare të projekteve, duke siguruar saktësinë, plotësinë dhe përputhshmërinë me standardet kombëtare dhe ndërkombëtare të kontabilitetit dhe raportimit financiar; Koordinon me ekipin e Kontabilitetit dhe Raportimit, për të marrë dhe analizuar të dhënat financiare nga çdo projekt për qëllime raportimi; Sigurohet që të respektohen afatet dhe kërkesat ligjore për raportimin financiar për çdo projekt; Kryen analiza financiare mbi të dhënat financiare të projektit për të identifikuar trendet, ndryshimet dhe fushat e përmirësimit; Përgatit raportet financiare dhe treguesit kryesorë të performancës (KPI) për çdo projekt për të mbështetur proceset e vendimmarrjes dhe vlerësimin e performancës; Përgatit raporte të veçanta të menaxhmentit, përfshirë analizën e buxhetit në krahasim me të realizuarin, shpjegime për ndryshimet dhe përmbledhje të performancës financiare; Bashkëpunon me menaxherët e projekteve për të zhvilluar dashboard-e dhe matrica të veçanta të performancës; Suporton në përgatitjen e raporteve dhe prezantimeve për nivelin ekzekutiv lidhur me performancën financiare të projekteve në tërësi (për qëllime të menaxhimit dhe të ortakëve); Suporton në përgatitjen e analizave, raporteve dhe prezantimeve për palë të treta (p.sh. shoqëri menaxhuese të disa prej projekteve), përfshirë koordinimin me këto subjekte për raportimin dhe monitorimin e treguesve kryesorë të performancës; Përdor sistemet financiare dhe mjete të tjera të raportimit për të lehtësuar dhe automatizuar procesin e raportimit financiar Identifikon mundësitë për përmirësim të proceseve dhe rritje të efikasitetit në raportimin financiar; Bashkëpunon me ekipet e IT dhe kontraktorët e jashtëm për të optimizuar sistemet e raportimit financiar dhe për të siguruar saktësinë dhe integritetin e të dhënave; Siguron respektimin e raportimeve ligjore dhe kërkesave për deklarim të të dhënave financiare në përputhje me kërkesat ligjore; Suporton në përgatitjen e të dhënave financiare të projektit për auditorët e jashtëm (të kompanisë dhe të grupit); Përditësohet me ndryshimet në standardet e raportimit financiar, kërkesat e raportimit dhe praktikat më të mira të industrisë; Analizon dhe ndjek zbatimin e procedurave të departamentit, si dhe propozon ndryshime për procedurat ekzistuese në funksion të punës; Kryen detyra të tjera që i caktohen. Edukimi: Të ketë diplomë universitare në degën Financë/Kontabilitet. Kualifikime të tjera: Të paktën 5 vite eksperiencë në profesion; Çertifikime profesionale janë avantazh; Eksperiencë në analiza financiare, përgatitje buxhetesh dhe raportime financiare; Njohuri të thelluara në kontabilitet ndërkombëtar dhe standarde financiare; Njohuri të avancuara në përdorimin e MS Excel (p.sh., analiza komplekse të të dhënave, VBA); Eksperiencë me programe financiare dhe ERP (p.sh., Navision, Financa 5); Aftësi në përdorimin e mjeteve analitike dhe të raportimit; Aftësi të mira komunikuese dhe për të punuar në ekip; Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën në linkun: https://balfindevelopment.zohorecru...1001/Senior-Finance-Officer?source=CareerSite Afati i dorëzimit: 14/02/2025 Pas shqyrtimit, do kontaktohen vetem kandidaturat e perzgjedhura. *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.