Për njësitë e shërbimit në jug, ofroj vend pune Financier

Dimension HR po kërkon të rekrutojë profesionistë për pozicionin vakant Financier për një nga klientët e saj.

Përmbledhja e Pozicionit:

Nën mbikëqyrjen e menaxherit te Finances bën të mundur regjistrimin në kohë dhe sipas dokumentacionit kontabël të njësive, përfshirë blerjet, shpenzimet, rakordimin ditor të shitjeve, arkës dhe veprimeve të tjera ditore. Ndjek me kujdes të gjitha proceset e punës në bazë ditore për çështjet financiare që ndodhin në njësi. Kujdeset për fiskalizimin e veprimeve të njësive, merr pjesë në proçeset e inventarizimeve dhe bën rakordime mujore me palët. Raporton te Menaxheri i Financës, për zbatimin e politikave financiare.

Detyrat dhe Përgjegjësitë Kryesore:

Kontrollon që faturat e blerjeve për mallrat dhe artikujt e konsumit të jenë të rregullta, të konfirmuara nga magazinierët, sipas çmimit të dakordësuar dhe të vijnë në kohë pranë Njësive;
Kontrollon faturat e investimeve dhe shpenzimeve të tjera administrative (përfshirë ato në arkë) që të jenë të rregullta, të aprovuara dhe të vijnë në kohë pranë Njësive;
Regjistron në sistem të gjitha faturat e blerjes brenda 1 dite pune pas marrjes së tyre;
Koordinohet me departamentin e Financës për sa i përket fiskalizimit të faturave të Njësive në ngarkim dhe rakordimit përpara afatit për deklarimin mujor të librit të blerjes;
Pret në sistem faturat e klientëve si psh evente, kompani dhe përgatit librin e shitjeve për njësitë;
Kryen kontabilizimet për daljet e mallrave, për konsum të stafit, qerasje, marketing, dëmtime;
Përgatit brenda javës së parë të muajit faturimet e shitjes për muajin paraprak, për subjektet me kontratë sipas marreveshjes dhe bën rakordimet përkatëse të detyrimeve të pambledhura;
Koordinohet me Menaxherin e Njësive për artikujt dhe recepturat e reja dhe koordinon proçesin me Financën e Zyrës Qëndrore për regjistrimin me kohë në sistem;
Merr pjesë në proceset e inventarizimit të Njësive dhe bën zbardhjen e inventarit për njësitë përkatëse, përfshirë inventarin e mallrave dhe inventarizimet e Aktiveve të Qëndrueshme të Trupëzuara
Koordinohet me Burimet Njerëzore për raportimin në kohë të ditëve të punës për punonjësit e Njësive në ngarkim;
Detyra të tjera, brenda përmbledhjes së pozicionit, që caktohen nga mbikqyrësit.

KUALIFIKIMET DHE AFTËSITË E KËRKUARA

Diplomë bachelor në Financë;
Niveli Master i preferueshëm;
Të ketë njohuri të paketës Office;
Të ketë njohuri të Financa 5;
Aftësi shumë të mira komunikimi, në të shkruar dhe në të folur;
I aftë të punojë në mënyrë të pavarur dhe me përgjegjësi;
Të jetë i vendosur, me integritet moral dhe profesional;
Të ketë prirje për të vendosur dhe ndjekur me rigorozitet rregullat;
Të ketë dëshirë dhe kurajo për përfshirje në çështjet e performancës së Njësisë;
I aftë të punojë në mënyrë të pavarur dhe me përgjegjësi;
I aftë të punojë nën presion.

Menyra e aplikimit:
Mirëpresim aplikimin tuaj (CV) vetem në adresën tonë rekrutime@dimensionhr.al me subjekt «Financier»
Bazuar ne aplikimin tuaj, Ju bëjmë me dije se vetëm kandidatët që plotësojnë kriteret e profilit do të njoftohen për intervistë nga stafi i Dimension.

JU MIREPRESIM!

*Të gjitha aplikimet do të trajtohen me konfidencialitet të plotë nga Dimension sipas ligjit Nr. 9887 për “Mbrojtjen e të Dhënave Personale” dhe do të përdoren nga Ne vetëm për qëllime rekrutimi.

Cel. : 0674647484