Njoftim Punesimi – Vlerësues i Pasurive të Paluajtshme

NJOFTIM PUNËSIMI​
Fondi BESA sh.a Institucion Financiar Jobanke, shpall konkurimin për vënd të lirë punë në pozicionin Vlerësues i Pasurive të Paluajtshme, për Zyrën Qëndrore.

Kërkesat kryesore për kandidatët për këtë pozicion janë:

Të ketë diplomë të shkollës së lartë, preferohet Fakulteti i Inxhinierisë së Ndërtimit;
Të jetë i pajisur me Liçencë profesionale për vlerësim të pasurive të paluajtshme në fushën “Ndërtesa dhe Tokë Truall” (do të merren në konsideratë edhe kandidatët të cilët kanë çertifikatë të kursit të vlerësimit në fushën “Ndërtesa dhe Tokë Truall”);
Të ketë eksperiencë në vlerësimin dhe hartimin e raporteve për pasuritë e paluajtshme të të gjitha llojeve duke Troje, Ndertesa, Ara, Apartamente Njësi, Objekte Biznesi etj;
Preferohet të ketë eksperienca të mëparshme në vlerësimin e pasurive të paluajtshme me qëllim vendosjen si kolaterale për kreditë bankare;

Detyrat kryesore për të cilat do të jetë përgjegjës:

Përgatit vlerësimin dhe hartimin e raporteve për pasuritë e paluajtshme të të gjitha llojeve duke përfshirë Troje, Ndertesa, Ara, Apartamente Njësi, Objekte Biznesi etj; me qëllimin për kredidhënie;
Dhënia e asistencës për departamentet dhe degët rajonale për probleme që lidhen më vlerësimin e pasurive të paluajtshme për kredidhënie;
Bën vlerësimin e Raporteve të Vlerësimit të pasurive të paluajtshme të dërguara nga shërbimi Përmbarimor për pasuritë e paluajtshme;
Përgatit përgjigjet ose sqarimet e nevojshme për kërkesa, ankesa apo shkresa të tjera që vijnë në adresë të Shoqërisë në lidhje me pasuritë e paluajtshme;
Bashkëpunon me Departamentet e tjera në lidhje me llogaritjen e vlerës aktuale (amortizimit) të kolateralit të bllokuar nga klientët në favor të Fondit Besa për kreditë e marra;
Realizon detyra të tjera kurdoherë që kërkohen nga supervizorët;

Të gjithë kandidatët duhet të paraqesin dokumentet e mëposhtme:

Kërkesë për punësim;
Curriculum Vitae;
Fotokopje të Diplomës Universitare të shoqëruar më listë notash;
Dëshmi të ndryshmë kualifikimi;
Licenca për vlerësim të pasurive të paluajtshme në fushën “Ndërtesa dhe Tokë truall” ose çertifikatë të kursit të vlerësimit në fushën “Ndërtesa dhe Tokë Truall”);
Referencë punë nga punëdhënësi i fundit;
Fotografi (1 copë);

Dokumentacioni i kërkuar të dërgohet me email brënda datës 14 Shkurt 2025 në adresën tonë zyrtare të Institucionit sa më poshtë:

– [B]mfi@besa.org.al[/B]

Për çdo informacion tjetër mund të vizitoni faqen tonë zyrtarë në internet : www.fondibesa.com.