SPAR Albania është pjesë e Balfin Group dhe drejton rrjetin më të madh të shitjeve ushqimore me pakicë me të drejtën e eksluzivitetit të emrit “SPAR”. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Menaxher/e Dyqani Fier Departmenti: Operacional Vendodhja: Fier. Përmbledhja e Pozicionit: Të sigurojë nëpërmjet menaxhimit të kostove direkte përfitueshmëri pozitive të dyqanit. Është përgjegjës për mirëmbajtjen e dyqanit, cash-it, blerjet, shërbimin ndaj klientit, etj. Detyra dhe Përgjegjësi: - Të mbajë nën kontroll kostot direkte të dyqanit; - Të supervizojë procesin e porositjes; - Menaxhim i nivelit të stokut dhe marrja e vendimeve të rëndësishme për kontrollin e stokut. - Të menaxhojë nëpërmjet sistemit FIFO vendosjen e produkteve në rafte; - Të respektojë planogramat e caktuara nga Departamentet përkatëse; - Prezantimi në kohë dhe në kushte sa më optimale të aktiviteteve promocionale; - Përgjegjësia për cash-in dhe transaksioni i tij në bankë; - Të motivojë, mbështesë dhe trajnojë stafin e dyqanit duke ofruar siguri teknike të mallrave dhe të njerëzve; - Të mirëpresë shqetësimet, sugjerimet dhe ankesat e klientëve dhe t’i përcjellë në varësi të problemit tek departamentet përkatës; - Të sigurojë kushte sa më të mira shitjeje për departamentet e freskëta; - Kontrollon respektimin dhe aplikimin e standardeve të përcaktuara të higjienës në dyqan; - Të bashkëpunojë me kolegët dhe klientët për të identifikuar dhe/ose zgjidhur çeshtjet urgjente. Kërkesat: a. Edukimi: Të zotërojë diplomë universitare. b.Eksperiencat e punës: 3 vite pune në dyqan shitje me pakicë. c. Kualifikime të tjera: - Të zotërojë aftësi kompjuterike të paketës Microsoft Office; - Të ketë njohuri të mira të gjuhës angleze; - Të ketë marrë pjesë në trajnime në lidhje me menaxhimin, shitjen, etj. d. Aftësi të tjera: - Aftësi për të punuar në skuadër; - Aftësi për të drejtuar, marrë vendime dhe planifikuar; - Aftësi për të komunikuar me partnerë dhe klientë; - Aftësi për t’i siguruar klientit një shërbim efikas në çdo situatë. Mënyra e aplikimit*: Kandidatët e interesuar janë të lutur të dërgojnë CV e tyre në adresën e e-mailit hr@spar.al duke përcaktuar në subjekt pozicionin. Afati i dorëzimit: 30/07/2024. *Të gjitha aplikimet do të trajtohen me konfidencialitet të plotë sipas ligjit Nr .9887 vendosur nga Kuvendi i Shqipërisë për “Mbrojtjen e të Dhënave Personale”.