Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Inxhinier Mekanik në Mbikëqyrje Departamenti: Teknik Vendndodhja: Palasë Përmbledhja e Pozicionit: Mbikëqyrja e punimeve bëhet për çdo projekt dhe ka për qëllim kontrollin e mbarëvajtjes të të gjithë procesit të zbatimit të punimeve, në përputhje me projektin, kushtet teknike të projektimit, të zbatimit, si dhe destinacionin e objektit. Mbikëqyrësi, përveç shërbimeve të kontrollit për zbatimin e punimeve, ndjek edhe grafikun e punimeve. Kontrollon periodikisht dhe në fazat më kryesore, librin e kantierit dhe është përgjegjës për saktësinë e vërtetësinë e dokumenteve që pasqyrohen në të. Detyrat dhe Përgjegjësitë Kryesore: ​ Verifikon të gjithë dokumentacionin përkatës, të licencave, të autorizimeve dhe të lejeve, të cilat, sipas dispozitave në fuqi, duhet të merren para fillimit të punimeve;​ Njeh me hollësi kontratën e sipërmarrjes dhe të gjitha akteve administrative që lidhen me të, si dhe njeh të gjitha ndryshimet e mundshme të kësaj kontrate me kalimin e kohës;​ Harton aktin e dorëzimit nga sipërmarrësi të dokumentacionit teknik dhe administrativ, si licenca, autorizime e leje të marra nga sipërmarrrësi;​ Gjatë zbatimit të objektit jep instruksione me shkrim dhe nëse gjen shkelje të standarteve teknike dhe akteve ligjore dhe nënligjore, vë në dijeni Menaxherin e Projektit dhe Menaxherin e Njësisë së Mbikëqyrjes Teknike dhe ndjek zbatimin e tyre;​ Miraton të gjitha materialet e punimeve mekanike që përdoren në vepër, në përputhje me specifikimet teknike të projektit;​ Kërkon kryerjen e provave të materialeve të punimeve mekanike të vendosura në objekt, për të verifikuar cilësinë;​ Sugjeron pezullimin e përkohshëm të punimeve për zbatimin teknik të gabuar ose paaftësi teknike zbatimi, në çdo rast me miratimin e Menaxherit të Njësisë së Mbikëqyrjes Teknike dhe Menaxherit të Projektit, për aq kohë sa quhet e nevojshme korrigjimi i gjendjes;​ Kontrollon zbatimin e grafikut të hollësishëm të punimeve mekanike dhe i raporton Menaxherit të Njësisë dhe Menaxherit të Projektit për realizimin e tij. Asnjë punim nuk do të mbulohet, maskohet a betonohet pa miratimin e mbikëqyrësit të punimeve mekanike;​ Merr pjesë në kolaudimin e veprës dhe asiston kolaudatorin në proces;​ Pas përfundimit të kolaudimit, mbikëqyrësi i punimeve, raporton tek Menaxheri i Njesise dhe Menaxheri i Projektit për përfundimin e procesit të kolaudimit;​ Asiston në zhvillimin dhe vlerësimin e projektit në bashkëpunim më Këshillin Teknik;​ Siguron konsulencë teknike për aspekte të caktuara të menaxhimit të projektit që janë përtej fushës së njohurisë së Menaxherit të Projekt;​ Asiston në kryerjen e oponencës teknike në dorëzim të çdo faze të projektimit;​ Raporton në mënyrë periodike tek Menaxheri i Njësisë së Mbikëqyrjes Teknike dhe tek Menaxheri i Projektit;​ Harton raportet e mbikëqyrjes javore dhe mujore si dhe raporte specifike në varësi të problematikave në kantier.​ Edukimi: Të zotërojë diplomë universiteti në Inxhinieri Mekanike Kualifikime të tjera:​ Eksperiencë 10 vjeçare ne zbatim punimesh;​ Eksperiencë 5 vjeçare në mbikëqyrje punimesh;​ Aftësi për të sugjeruar zgjidhje dhe për të marrë vendime;​ Aftësi kritike mbi detajet e projektimit e shprehur në anën funksionale dhe estetike;​ Aftësi për të koordinuar punën ne projektet përkatëse;​ Aftësi shumë të mira komunikuese për të punuar në skuadër;​ Aftësi menaxhuese, koordinuese, organizuese;​ Njohje shumë e mirë e gjuhës angleze, gjuhë të tjera të huaja do të ishin avantazh;​ Njohje shumë e mirë e legjislacionit për punimet e ndërtimit.​ Njohje te programeve kompjuterike, paketa Office, Auto Cad, Microsoft Project, njohja e programit Revit perben perparesi.​ Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecru...cal-Engineer-in-Supervision?source=CareerSite Afati i aplikimit: 21/11/2024 Pas shqyrtimit do të kontaktohen vetëm kandidatët e përzgjedhur. *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.​