Kompania: Kiabi

Qyteti: Tirane

Lloji i punes: Kohe e plote

Sektori: Financa & Kontabilitet

Pershkrimi i punes

Njoftim Punësimi​ Unlimited Fashion është partneri ekskluziv i markës franceze KIABI, e njohur për koleksionet e saj të modës stilizuese, gjithëpërfshirëse dhe të përballueshme, në Evropën Juglindore. Ne përfaqësojmë me krenari këtë markë në të gjitha vendet e Ballkanit Perëndimor. E themeluar në vitin 1978 në Veri të Francës, KIABI revolucionarizoi industrinë e veshjeve të gatshme me konceptin e saj pionier të modës me çmime të ulëta, duke ofruar një qasje gjithëpërfshirëse që ndryshoi mënyrën se si vishen familjet. Grupi BALFIN prezantoi markën e njohur globalisht të KIABI-t në Shqipëri, Maqedoninë e Veriut, Mal të Zi dhe Kosovë. Duke ofruar një gamë të gjerë produktesh cilësore dhe të qëndrueshme me çmime konkurruese, grupi përmirëson përvojën e blerjes për klientët dhe krijon një destinacion të plotë për modën e familjes. Grupi BALFIN është një nga grupet më të suksesshme të investimeve në Ballkanin Perëndimor. I themeluar në vitin 1993, Grupi sot operon në Austri, Shqipëri, Kosovë, Bosnjë-Hercegovinë, Kroaci, Maqedoninë e Veriut, Zvicër, Malin e Zi, Holandë, Kanada dhe Shtetet e Bashkuara të Amerikës. Portofoli i tij i diversifikuar përfshin disa sektorë, duke përfshirë bankarizmin, zhvillimin e pasurive të patundshme, shitjet me shumicë dhe pakicë, menaxhimin e aseteve, turizmin, logjistikën, arsimin dhe argëtimin. Me një forcë punëtore prej rreth 5,500 profesionistësh, Grupi BALFIN vazhdon të rritet me ritme të qëndrueshme, i udhëhequr nga etika të forta biznesi, stabiliteti financiar, inovacioni dhe angazhimi afatgjatë për ndikimin në komunitet përmes Fondacionit Mane. Pozicioni: Specialist Finance Departmenti: Finance Lokacioni: Zyrat Qendrore Specialisti i Financës është përgjegjës për sigurimin e integritetit dhe saktësisë së të dhënave financiare dhe fiskale të kompanisë, duke mbuluar të gjithë ciklin kontabël ditor, nga regjistrimi i transaksioneve dhe rakordimi i sistemeve, deri te raportimi periodik. Pozicioni kërkon bashkëpunim të ngushtë me sistemin ERP Microsoft Dynamics NAV dhe platformën e fiskalizimit Self Care, duke garantuar përputhshmëri të plotë ndërmjet tyre. Detyrat dhe Përgjegjesite: Kryen kontrollin ditor të shitjeve që kanë mbetur pending në NAV për shkak të barcode-ve pa gjëndje kontabël në momentin e shitjes ose për arsye të tjera teknike; dërgon barcode-t përkates në dyqanet respektive dhe kryen veprimet sistemuese kontabël; Rakordon cdo ditë shitjet e transmetuara në NAV me shitjet e transmetuara në portalin e fiskalizimit Self Care; evidenton dhe ndjek problematikat që shkaktojnë diferenca, me qëllim sigurimin e transmetimit të saktë dhe perputhjes së plotë të informacionit midis NAV dhe Self Care; Kontabilizon në baza ditore transaksionet e arkës dhe bankës (arkëtimet dhe pagesat), kryen aplikimin e tyre me dokumentacionin përkates, si edhe kontrollon përputhjen e balancave në NAV me statement-et bankare; Kryen kontrollin, faturimin dhe kontabilizimin përkates të procesit të përdorimit të kuponave “Red Gift Card” në njësitë e shitjes; Fiskalizon në portalin Self Care dhe regjistron në sistemin financiar deklaratat doganore të furnizimeve; pas perfundimit të ketij procesi, ngarkon në inventarin e blerë të gjitha kostot përkatese si transporti, taksat doganore etj; Kontabilizon diferencat e inventarit që rezultojnë nga krahasimi i kontrollit fizik me gjëndjen teorike; Gjeneron në baza ditore faturat e blerjes nga portali Self Care, ndjek procesin e konfirmimit per pranimin ose refuzimin e tyre në portal, regjistron në sistem faturat e pranuara të blerjes dhe kryen rishperndarjen e TVSH-se në Self Care sipas regjistrimeve në NAV, duke siguruar përputhje të plotë të informacionit ndërmjet sistemit dhe platformës së fiskalizimit; Përgatit dhe kontrollon në fund të muaji librat e shitjes dhe të blerjes, duke i rakorduar me librat e gjeneruar nga Self Care; Përgatit informacione, dokumente dhe raporte të ndryshme sipas nevojave të departamentit dhe kërkesave të menaxhimit;

Kualifikimet: Diplomë universitare në Financë, Kontabilitet, Ekonomi ose fushë të ngjashme; Minimum 2–3 vjet eksperiencë në kontabilitet, preferueshëm në sektorin Retail; Njohuri të demonstruara të sistemit Microsoft Dynamics NAV (ose sisteme të tjera ERP); Eksperience ne platformën e fiskalizimit Self Care dhe procedurat doganore; Njohuri të mira të TVSH-së dhe legjislacionit fiskal shqiptar; Aftësi shumë të mira në paketes Microsoft Office; Njohje e mirë e proceseve të inventarit dhe kontabilitetit të kostove; Aftesi analitike ne proceset financiare dhe kontabel; I orjentuar drejt zgjidhjes së problemeve; Njohuri të gjuhës angleze (përbën avantazh); Kushtet e punës: Unlimited Fashion ofron një paketë përfitimesh tërheqëse, duke përfshirë një pagë të drejtë bazuar në meritë dhe në vlerësimin e performancës. Procedura e aplikimit: Për të aplikuar për këtë pozicion, ju lutemi të dërgoni CV-në dhe letrën motivuese në hr@unlimitefashion.al deri më 06/06/2026 *Të gjithë kandidatët e përzgjedhur pas shqyrtimit të CV-ve do të kontaktohen nga Ekipi i Burimeve Njerëzore. *Të gjitha aplikimet do të trajtohen me konfidencialitet të rreptë në përputhje me Ligjin Nr. 9887 të Kuvendit të Shqipërisë për “Mbrojtjen e të Dhënave Personale”.

Si te aplikoni

Email: hr@unlimitefashion.al