Progeen Construction, është një shoqëri private me eksperiencë 11 vjeçare në industrinë e ndërtimit në Shqipëri. Progeen aplikon standardet më të larta të profesionalizmit në veprimtarinë e tij, duke garantuar cilësi dhe besueshmëri absolute tek klientët dhe partnerët. Progeen çmon më së shumti kapitalin njerëzor të profesionistëve, të cilit i beson suksesin e çdo projekti. Roli: Jurist/e Departamenti: Ligjor Vendndodhja: Tiranë Përmbledhja e Rolit: Juristi siguron mbështetje ligjore për veprimtarinë dhe aktivitetin e shoqërisë në përputhje me dispozitat në fuqi dhe kuadrin ligjor përkatës, për mbrojtjen e interesave të saj, si dhe kontrollit të zbatimit me përpikmëri të kuadrit ligjor dhe dhënies së mendimit të specializuar juridik për çështjet ligjore. Përgjegjësitë: Përgjegjës për hartimin e kontratave me nënkontraktorët e shoqërisë dhe marrëveshjeve me institucione të tjera brenda ose jashtë territorit të Republikës së Shqipërisë, për kontrata të ndryshme; Kryen dhe bashkërendon punë kërkimore, analizë, këshillim, opinion ligjor mbi procesimin administrativ, në të gjitha çeshtjet ligjore përgjatë implementimit të kontratave private e publike, prokurimet, konçesionet, shoqëritë e përkohshme, liçensat, autorizimet, çertifkimet; Monitoron dhe rishikon aktivitetin e shoqërise, gjatë procesit të prokurimit dhe dokumentat e tenderimit, në mënyrë që të sigurojë që procedurat dhe kontrolli përkatës të jenë zbatuar në kohën e duhur nga secili departament; Përfaqëson shoqërinë pranë insitucioneve përkatëse dhe autoriteteve kontraktore për ndjekjen e procedurave ligjore, ankimimeve dhe korrespondencës zyrtare me to, për çeshtjet e caktuara ligjore; Siguron që administrimi dhe arkivimi i të dhënave dhe dokumentacioneve të shoqërisë të jenë në përputhje me kërkesat, rregullat dhe procedurat aktuale. Kualifikimet: Të ketë përfunduar arsimin e lartë/dega Juridik. Eksperiencë pune 2-3 vjet si Jurist/e. Aftësi për të punuar në grup dh për të marrë iniciativë; Aftësi shumë të mira komunikuese dhe ndërpersonale; Të ketë aftësi analitike, dhe aftësi për të zgjidhur në mënyrë efikase problemet; Aftësi për të koordinuar punën për projektet përkatëse; Të njohë shumë mirë të Drejtën Administrative, Legjislacionin për Prokurimet dhe Koncesionet, Legjislacionin për Liçencat dhe Certifikimet; Njohuri shumë të mira të paketës Microsoft Office dhe të sistemin online E–Albania. Të ketë njohuri shumë të mira të gjuhës Angleze. Mënyra e aplikimit: Të interesuarit të dërgojnë CV-në në adresën: hr@progeen.com (duke specifikuar në subjekt të e-mail-it titullin e pozicionit) ose nëpërmjet modulit të website. *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale” Për shkak të volumit të aplikimeve, do të kontaktohen vetëm kandidatët e përzgjedhur për fazën e intervistimit.