Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Junior Planning Engineer Vendndodhja: Tiranë Përmbledhja e Pozicionit: Luan një rol të rëndësishëm në mbështetjen e funksioneve të planifikimit, monitorimit dhe raportimit në shumë projekte brenda organizatës. Asiston në draftimin e procedurave dhe template-ve të standartizuara dhe monitorim e standarteve të manaxhimit dhe raportimit të projekteve. Përgjegjësitë kryesore: Planifikimi i projektit:​ Ndihmon në zhvillimin dhe mirëmbajtjen e planeve të projekteve të ndryshme nën PMO duke përdorur softuerin e menaxhimit të projektit (p.sh., ZOHO Project Management, MS Project ose ekuivalent), duke përfshirë Projektet e Transformimit Digjital;​ Zbërthen planet e projekteve të nivelit të lartë në plan të detajuara të punës, duke siguruar që të gjitha detyrat të identifikohen dhe gjurmohen;​ Mbledhja e të dhënave dhe gjurmimi i performancës:​ Mbledh të dhëna për progresin nga ekipe dhe departamente të ndryshme të projektit;​ Monitoron performancën e projekteve të Transformimit Digjital, duke matur në bazë të planeve bazë dhe nënvizon variancat;​ Gjurmon treguesit kryesorë të performancës (KPI) të tilla si progresi i projektit, respektimi i planit dhe arritjet;​ Shpërndarja dhe optimizimi i burimeve:​ Ofron mbështetje në monitorimin e alokimit të burimeve;​ Përpunon dhe administron evidencën e shpërndarjes për stafin sipas Departamenteve, Programeve dhe Projekteve specifike;​ Ndihmon në identifikimin e pengesave të burimeve dhe propozon ndryshime;​ Raportimi:​ Përgatit raporte dhe prezantime mbi planifikimin dhe performancën e projektit;​ Ndihmon në përgatitjen e prezantimeve për takimet e rishikimit të projekteve;​ Përgatit raporte dhe analiza statistikore të inputeve teknike;​ Përmirësimi i procesit:​ Kontribuon në iniciativat e përmirësimit të vazhdueshëm brenda njësisë, duke ndihmuar në thjeshtimin e proceseve të planifikimit dhe raportimit;​ Identifikon fushat ku metodologjitë dhe mjetet e planifikimit mund të optimizohen për të përmirësuar performancën e përgjithshme të projektit;​ Pajtueshmëria dhe dokumentacioni:​ Mban dokumentacion të saktë të ndryshimeve të planifikimit, miratimeve dhe rezultateve të projektit;​ Ndihmon në përditësimin e standardeve të planifikimit, templateve dhe praktikave më të mira të PMO-së.​ Edukimi: Diplomë Bachelor në Inxhinieri, Menaxhim Projektesh ose Analizë Biznesi Kërkesat:​ Të ketë eksperiencë pune jo më pak se 2 vite në industrinë e ndërtimit dhe/ose zhvillimin e pasurive të paluajtshme;​ Aftësi për të lexuar, analizuar dhe shpjeguar projektet, korrespondencat e biznesit, kontrata, procedurat dhe manualet teknike;​ Aftësi për të prezantuar në mënyrë sa më efikase problematikat, komunikim i shkëlqyer verbal dhe me shkrim, përgatitje raportesh etj;​ Principet dhe praktikat në përdorimin e programeve kompjuterike (CAD, EXCEL, MS-365, MS-VISIO, MS-PROJECT (ose aplikacione të ngjashme për Manaxhimin e Projekteve) etj.;​ E preferueshme, njohja e proceseve dhe procedurave të Ciklit të Zbatimit të Projekteve;​ Njohje shumë e mirë e gjuhës Angleze;​ Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecru...18/Junior-Planning-Engineer?source=CareerSite Afati i aplikimit: 05/11/2024 Pas shqyrtimit do të kontaktohen vetëm kandidatët e përzgjedhur. *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.​