Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Inxhinier Gjeodet (Infrastrukturë) Departamenti: Teknik Vendndodhja: Farkë, Tiranë Përmbledhja e Pozicionit: Qëllimi i përgjithshëm i këtij pozicioni është realizimi i detyrave për hartimin e rilevimeve topografike speciale që kërkojnë mjete dhe organizim të veçantë, punimeve top gjeodezike në objekte inxhinierike, punime speciale gjeodezike, rrjetë mbështetëse si dhe përpunime volumesh. Detyrat dhe Përgjegjësitë Kryesore: Kontrollon dhe siguron zbatimin e objekteve sipas projekteve dhe kondicioneve urbanistike; Rilevime të ndryshme topografike në sisteme koordinative të ndryshme; Ndjekjen e punimeve të ndërtimit nga afër duke dhënë kuotat e kërkuara nga projekti; Realizon azhurnime të ndryshme dhe lidhjet me sistemet koordinative relative dhe absolute; Përgatitjen e dokumentacionit pas ndërtimit (as-built); Llogaritje dhe krahasime volumesh; Kontroll dhe përgatitje e situacioneve. Edukimi: Të zotërojë diplomë Master, dega Gjeodezi. Kualifikime të tjera: Eksperiencë 3-vjeçare në industri të njëjtë; Diplome në inxhinieri, preferohen kualifikime specifike për pozicionin; Eksperiencë pune në fusha të ngjashme; Vendimmarrës dhe me personalitet të fortë; Njohje shume e mirë e standardeve të sigurisë dhe shëndetit në punë; Njohuri shumë e mirë në përdorimin e programeve kompjuterike (AutoCad Civil 3D,CAD, EXCEL); Të punojë me Total Station & GPS; Aftësi për të evidentuar dhe raportuar problemet; Natyrë energjike dhe me iniciativë; Njohje shumë e mirë e legjislacionit të urbanistikës; Aftësi për të sugjeruar zgjidhje dhe për të marrë vendime; Aftësi të mira komunikuese dhe shprehje e qartë e ideve dhe zgjidhjeve; Aftësi për të punuar në skuadër. Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën e motivimit në link: https://balfinconstruction.zohorecr...002283028/Inxhinier-Gjeodet?source=CareerSite Afati i dorëzimit: 10/03/2025 *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.