Kompania: SOS Fshatrat Femijeve

Qyteti: Tirane

Lloji i punes: Kohe e plote

Sektori: IT & Teknologji

Tip pozicioni: Zëvendësim gjatë lejes së lindjes (periudhë 1 vit).

Përmbledhje roli

Financieri dhe Përgjegjësi për Prokurimin dhe Logjistikën administron, kontrollon dhe raporton aktivitetet financiare të projekteve, duke siguruar përputhshmërinë me legjislacionin shqiptar, politikat e brendshme dhe kërkesat e donatorëve. Pozicioni mbështet funksionimin e përditshëm financiar përmes menaxhimit të proceseve kontabël, monitorimit të buxheteve, fluksit të parasë, deklarimeve fiskale dhe administrimit të aseteve. Gjithashtu koordinon dhe monitoron proceset e prokurimit dhe aktivitetet logjistike.

Kualifikimet dhe përvojat e kërkuara

• Diplomë universitare në Financë, Kontabilitet.
• Minimum 5 vite përvojë në financë dhe kontabilitet.
• Mbi 3 vite përvojë në buxhetim, raportim financiar, analiza financiare, procedura prokurimi dhe menaxhim kontratash.
• Përvojë me projekte të financuara nga donatorë/grante dhe përgatitje raportesh sipas kërkesave të donatorëve.
• Përgatitje deklaratash tatimore, listpagesash dhe administrim të benefiteve të punonjësve.
• Njohuri të mira të legjislacionit fiskal, tatimor dhe kontabël shqiptar.
• Përvojë dhe njohuri të mirë në administrimin e inventarit dhe aseteve.
• Përvojë në organizata jofitimprurëse përbën avantazh.
• Njohuri të avancuara të sistemeve financiare; preferohet përvojë me Dynamics D365 ose të ngjashme.
• Përdorim i avancuar i Microsoft Excel dhe paketeve të tjera Office.
• Nivel shumë i mirë i gjuhës angleze.
• Aftësi të mira analitike, organizative, komunikimi dhe menaxhim prioritetesh; vëmendje ndaj detajeve dhe integritet i lartë profesional.

Përgjegjësi kryesore

• Planifikon, regjistron, administron dhe monitoron buxhetet e organizatës dhe projektet e financuara nga donatorët; analizon devijimet dhe siguron zbatim efektiv.
• Administron proceset e pagesave, transfertat bankare, arkëtimet, parapagimet dhe listpagesat për sigurimin e likuiditetit financiar.
• Sigurion administrimin e plotë të procesit kontabël dhe raportimit financiar: regjistrimin korrekt të transaksioneve, përmbushjen e detyrimeve fiskale, menaxhimin e aseteve, përgatitjen e raporteve dhe mbështetjen gjatë auditimeve.
• Monitoron zbatimin financiar të granteve/projekteve dhe përgatit raporte përputhshmërie me kërkesat kontraktuale dhe rregullat e financimit.
• Menaxhon dhe monitoron proceset e prokurimit në përputhje me politikat e organizatës; siguron dokumentacion të plotë, transparencë dhe respektim të pragjeve të autorizimit.
• Koordinon aktivitetet logjistike: furnizimet me karburant, dokumentacionin e mjeteve dhe aseteve, inventarizimin dhe mirëmbajtjen e regjistrave të pasurive.
• Sigurion përputhshmërinë me rregulloret financiare, procedurat e brendshme dhe kërkesat e donatorëve; mbështet zbatimin e kontrolleve të brendshme financiare.

Standarde etike dhe mbrojtja e fëmijëve

Pozicioni kërkon respektimin e standardeve të larta etike dhe profesionalizmit, ruajtjen e konfidencialitetit të informacionit financiar dhe përmbushjen e detyrimeve për mbrojtjen e fëmijëve. Kandidati pritet të raportojë menjëherë çdo dyshim ose incident që lidhet me sigurinë e fëmijëve dhe të promovojë një kulturë respekti, dinjiteti dhe llogaridhënieje.

Verifikime dhe kërkesa të tjera

Si pjesë e procesit të rekrutimit mund të kryhen verifikime të referencave. Kontrata është me afat të caktuar dhe lidhet me periudhën e zëvendësimit (leje lindje).

Si te aplikoni

Email: hr@soskd.org.al

WhatsApp: 355696045218