Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.​ Pozicioni: Koordinator Projektimi Vendndodhja: Tiranë Përmbledhja e Pozicionit: Koordinatori i projektimit ka si detyrë kryesore koordinimin në tërësi të procesit të hartimit të projekteve, bazuar në udhëzimin e drejtuesit të “Njësisë” dhe informimin e vazhdueshëm të palëve të tjera të përfshira në proces për kërkesat dhe ecurinë e procesit, sipas fazave të hartimit të projektit (nga projekt ideja, projekti për leje dhe deri në projektin e zbatimit). Gjithashtu ndjek, plotëson dhe dorëzon, dosjen e plotë të projekteve dhe dokumentacionit tekniko-ligjor, të nevojshëm për aplikime për leje zhvillimi dhe/ose ndërtimi dhe dosjen e plotë të projektit të zbatimit. Detyrat dhe Përgjegjësitë Kryesore: Koordinon procesin e projektimit sipas fazave të përcaktuara të projektit; Harton detyrën e projektimit, për përcaktimin e projektuesve bazuar në kërkesat e projektit, koston financiare dhe kohëzgjatjen e tij; Koordinon dhe asiston teknikisht Departamentin e Prokurimeve për përcaktimin e projektuesve bashkëpunëtore të jashtëm, për të gjithë disiplinat e përfshira në projekt; Harton pjesën teknike të kontratave të shërbimit për projektet e të gjitha disiplinave; Kontrollon projektet e dorëzuara nga projektues sipas fazave të dorëzimit të përcaktuara në kontratën e shërbimit; Harton raporte periodike mbi gjendjen e projekteve dhe ecurinë e proceseve që ka në ngarkim; Monitoron kontratat e projektimit me projektuesit; Merr në dorëzim projektet nëse janë në përputhje me (i) detyrën e projektimit (ii) kontratën e shërbimit (iii) planet dhe lejet e miratuara dhe (iv) bazën ligjore në planifikimin dhe zhvillimin e territorit; Koordinon dhe ndjek procesin e përgatitjes së dosjes së plotë të projekteve dhe dokumentacionit tekniko-ligjor të kërkuar për leje zhvillimi dhe/ose leje ndërtimi. Gjithashtu koordinon procesin e aplikimit për leje në rastet kur ky aplikim bëhet nga kontraktorë të jashtëm; Koordinon procesin e përgatitjes së dosjes së plotë të projektit të zbatimit, ndjek procedurat e dorëzimit të saj në kantierin e ndërtimit dhe ndjek me projektuesit e kontraktuar, procedurat e rishikimit të projektit për përmirësimin e zbatueshmërisë të tij, sipas kërkesave të kantierit të ndërtimit; Koordinon dhe përgatit informacionet e nevojshme, për Departamentin e Financës në lidhje me ecurinë e projekteve dhe faturimit të tyre; Organizon takimet me palët e treta të përfshira në projekt dhe është përgjegjës për ndjekjen e vendimeve të dala prej tyre; Jep mbështetje teknike në përgatitjen e paketave te tenderimit, bazuar në specifikimet e projektit dhe detyrën e projektimit; Edukimi: Të zotërojë diplomë universiteti në Arkitekturë / Urbanistikë/ Inxhinieri Ndërtimi Kualifikime të tjera: Të ketë minimalisht 5 vite eksperiencë pune në projektim / zbatim punimesh ndërtimi; Aftësi në koordinim dhe organizim në procesin e projektimit; Aftësi për të sugjeruar zgjidhje dhe për të marrë vendime; Aftësi të mira komunikuese dhe shprehje e qarte e ideve dhe zgjidhjeve; Aftësi kreative ne projektim dhe në sugjerimimin e përmirësimit të projektit; I vëmendshëm ndaj detajeve dhe aftësi për të ofruar zgjidhje teknike në projekt; Aftësi kritike mbi detajet e rifiniturës e shprehur si në anën funksionale dhe në anën estetike; Aftësi për të punuar në skuadër; Njohje shumë e mirë e gjuhës angleze, gjuhë të tjera të huaja do të ishin avantazh; Njohje shume e mire e legjislacionit për planifikimin dhe zhvillimin e territorit; Përdorim i detyrueshëm i AutoCAD (në 2D dhe 3D), MS Office (Project, Word, Excel, PowerPoint, Outlook etj.). Programet BIM (si Revit, Navisworks etj.) do të përbënin avantazh. Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecru...02699151/Design-Coordinator?source=CareerSite Afati i aplikimit: 19/12/2024 Pas shqyrtimit do të kontaktohen vetëm kandidatët e përzgjedhur. *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.