Progeen Construction, është një shoqëri private me eksperiencë 11 vjeçare në industrinë e ndërtimit në Shqipëri. Progeen aplikon standardet më të larta të profesionalizmit në veprimtarinë e tij, duke garantuar cilësi dhe besueshmëri absolute tek klientët dhe partnerët. Progeen çmon më së shumti kapitalin njerëzor të profesionistëve, të cilit i beson suksesin e çdo projekti. Roli: Asistente Administrative Departamenti: Burime Njerëzore Vendndodhja: Tiranë Përmbledhja e Rolit: Asistentja Administrative ka një rol të rëndësishëm në mirëmbajtjen dhe funksionimin normal të zyrës. Ajo bashkëpunon dhe i vjen në ndihmë stafit profesional për çështje që kanë të bëjnë me organizimin dhe administrimin e përditshëm. Përgjegjësitë: Ndjekë çdo çështje me natyrë administrative; Suporton në mënyrë të vazhdueshme stafin; Mirëpret dhe drejton vizitorët në përputhje me qëllimin e vizitës; Nënshkruan dhe shpërndan postën (letra ose pako); Administron protokollin dhe arkivën; Parashikon dhe plotëson nevojat e stafit për materiale kancelarie ,dhe për produkte të tjera të konsumit të përditshëm; Asiston në procesin onboarding të stafit të ri; Kryen detyra të tjera që mund t’i ngarkohen. Kualifikimet: Të ketë përfunduar studimet universitare; Eksperiencë pune deri në 1 vit; Të ketë njohuri shumë të mira të paketës Microsoft Office; Të ketë njohuri të gjuhës angleze, gjuhë të tjera përbëjnë avantazh; Të jetë e komunikueshme dhe e sjellshme; Të jetë korrekte në zbatimin e detyrave që i ngarkohen. Mënyra e aplikimit: Të interesuarit të dërgojnë CV-në dhe album të punimeve në adresën hr@progeen.com (duke specifikuar në subjekt të email-it titullin e pozicionit) ose nëpërmjet modulit të website https://www.progeen.com/karriera. *Të gjitha aplikimet do të trajtohen me konfidencialitet të plotë sipas ligjit Nr. 9887, Datë 10.3.2008 “Për Mbrojtjen e të Dhënave Personale” Për shkak të volumit të aplikimeve, do të kontaktohen vetëm kandidatët e përzgjedhur për fazën e intervistimit.